-- ADVERTISEMENT --
Gibarugan ni House Committee on Appropriations Chairperson Rep. Mikaela Suansing nga walay pork barrel o budget insertions sa 2026 national budget ug sa proposed budget alang sa 2027.
Matud ni Suansing, transparent ang budget deliberations alang sa 2026 ug gipakita sa publiko ang mga institutional amendments nga gisulod sa pondo.
Alang sa 2027 budget, giklaro niya nga ang pag-draft sa National Expenditure Program o NEP sakop pa sa hurisdiksiyon sa Executive branch.
Tungod niini, iyang gihimakak nga adunay pork barrel o insertions sa ₱7.2 trillion proposed national budget alang sa 2027 tungod kay bag-o pa lamang kini giturn-over sa DBM ngadto sa House of Representatives kagahapon, Agosto 11, 2026.
