Gipahayag ni House Prosecution Spokesperson ug Lanao del Sur Representative Zia Alonto Adiong nga dili makapawala sa mga kontrobersiya nga naglibot sa confidential funds sa Office of the Vice President (OVP) sa miaging mga tuig ang unmodified opinion nga gipagawas sa Commission on Audit (COA) alang sa 2025.
Sumala pa ni Adiong, nagpabiling lig-on ang mga ebidensya sa House prosecution sa tanang Articles of Impeachment, lakip na ang giingong dili husto nga paggamit ug liquidation sa confidential funds.Gipasabot usab niya nga lahi ang audit opinion alang sa 2025 ug wala kini motubag sa mga nag-unang findings sa COA, lakip ang rekomendasyon nga ibalik ang mga kantidad nga giila nga kuwestiyonable.
Dugang pa, gipasiugda ni Adiong ang mga isyu nga may kalabotan sa acknowledgement receipts nga gisumite sa OVP, lakip ang kontrobersiyal nga ngalan nga “Mary Grace Piattos” nga migawas sa pipila ka mga dokumento.Matud pa kaniya, ang maong mga isyu angay nga masuta ug mapatin-aw pinaagi sa testimonya sa mga testigo ug sa presentasyon sa mga ebidensya atol sa impeachment trial.
Sa kasamtangan, wala pa motubag ang kampo ni Vice President Sara Duterte sa maong mga pahayag. Kahinumduman nga gikatakdang sugdan sa Senado ang impeachment trial batok kang Vice President Sara Duterte karong Lunes, Hulyo 6.
