DAVAO CITY – Giablihan na pag-balik alang sa publiko ang Davao del Norte Sports and Tourism Complex human sa lapas tuig nga rehabilitasyon niini.
Gipahayag ni Davao del Norte Governor Edwin Jubahib nga gi-rehabilitate ang oval aron mahibalik sab ang pagmugna ug mga sports programs sa probinsya.
Lauman sab nga ilusad ang mga lokal ug nasyonal nga mga sports events sa maong sports complex.
Kapin P34.85 million pesos ang gigahing pondo alang sa rehabilitation sa maong gambalay apil ang pag-ayo sa rubberized track and field oval gamit ang mga ginaangkat nga materyales gikan Switzerland.
Kahinumdumang gipahigayon sa DNSTC ang pipila ka mga sporting events sa Palarong Pambansa diri sa Davao Region niadtong 2015.
Laraw karon sa panggamhanan nga maglusad ug mga sporting events ug abilhan ang oval isip training ground alang sa mga atleta kon future sports stars sa probinsya.
via || Bombo LJ Florendo
