Mibalik na sa showbiz ang “Queen of All Media” nga si Kris Aquino isip bag-ong C.H.I.K.A. o Chief Head of Insights and Kontent Analysis sa Netflix Philippines.
Karong Biyernes, Agosto 7, gipagawas sa Netflix Philippines ang teaser video sa iyang umaabot nga programa pinaagi sa usa ka Instagram Reel, nga maoy nagtimaan sa iyang opisyal nga pagbalik sa screen human sa pipila ka tuig nga pagpahulay.
Kahinumduman, mipahilayo si Kris sa industriya aron magpatambal sa iyang giatubang nga autoimmune diseases.
Sumala pa sa Netflix Philippines, ipagawas ang unang episode sa programa karong Agosto 7, sundan sa ikaduhang episode sa Agosto 14 ug ikatulong episode sa Agosto 20.
Sa kasamtangan, dako ang positibong pagdawat sa mga netizen sa iyang pagbalik, diin daghan ang nagpahayag sa ilang kalipay nga madungog ug makita pag-usab ang iyang nailhang kusog nga personalidad ug estilo sa paghatag og komentaryo sa industriya sa kalingawan.
