DAVAO CITY – Mipakita sa iyang suporta si Public Safety and Security Command Center head Angel Sumagaysay sa sugyot nga subling ipailalom ang dakbayan sa Davao Modified Enhanced Community Quarantine (MECQ) ang dakbayan sa Davao kini aron nga mapugngan ang pagsaka sa kaso sa covid-19.
Kahinumduman nga dungan sa pagsaka sa kaso sa mga natakdan sa kagaw dinhi sa dakbayan, ubay-ubay na sab ka mga barangay ang gipailalom sa lockdown.
Sa ulahing datus , anaa sumala pa sa 285 ang gipailalom sa compound lockdown, lima ang house lockdown samtang 11 ang Building lockdown.
Sumala kang Sumagaysay nga walay mamahimong problema kung ibalik man ang MECQ ilabi na nga gihimo lamang kini alang sa kaayohan sa tanan.
Kahinumduman nga ilalom sa nahisgutang quarantine classification, limitado na lamang nga establisyemento ang tugutan nga mangabli ug posibleng ipatuman na sab ang Food and Medicine (FM) pass ingon man ang No movement matag adlaw nga domingo.
