Nagpaguwa ug pamahayag ang Police Regional Office XI kabahin sa giisyu nga Temporary Protection Order nga gipaguwa sa Branch 15 Davao City, Regional Trial Court ngadto sa mga kapulisan, atol kana sa padayun nga pagimplementa sa gikaingung arrest warrant.
Gibutyag ni PMaj. Catherine Dela Rey ang tigpamaba sa PRO XI nga ang maong gipakanaog sa korte sa Davao mao ang pagpatang-tang lamang sa mga barikada ug mga babag niini partikular na ang pagmuntar sa mga kapulisan ug mga babag diha tunga sa main road sa Buhangin ning syudad sa Davao.
Dugang pa niini nga ilaha dayon kining tumanon ang maong kamanduan, apan magpabilin gihapon nga i-destino ang mga kapulisan sa mismong sulod sa KOJC Compound, gumikan kay ang mga barikada, mga babag, ug ang paghatag ug kahigayonan nga makapahigayon ug religious ug academic activities, apan wala nakalatid sa maong kamanduan nga adunay cease and dessist order, hinungdan nga magpabilin gihapon ang mga kapulisan sulod sa nahisgutang compound, alang sa padayong pagpangita sa Pastor.
Una nang nag sadya ang mga taga KOJC sa dihang nabalitaan niini nga adunay gipakanaog nga kamanduan ang korte apan nakutlo ra dayun kini, human wala nahilakip sa maong kamanduan ang ilahang ginatinguhang kalinaw.
