DAVAO REGION- Gikabutyag ni PRO XI Regional Director, PBGen. Nicolas Torre III nga aduna matud pa silay istratehiya alang sa pagsilbi sa arrest warrant batok kay Pastor Apollo Quiboloy kansang leader sa Kingdom of Jesus Christ ug upat pa ka laing kaubanan niini.
Sumala pa nga andam sa tanang higayon ang air asset sa kapulisan og ugali nga moikyas si Pastor Apollo Quiboloy kansang leader sa Kingdom of Jesus Christ.
Matud pa sa maong Heneral nga ang pamaagi lamang aron makaikyas ang maong pastor mao ang pinaagi sa kahanginan.
Pagbutyag pa ni Torre nga bantay sirado gayud PNP air unit ang posibilidad nga pa-ikyas sa maong nagtago-tago nga pastor gamit ilahang mga air assets.
Sigon pa niini nga nagpabiling gihapong hagit alang kanila ang maong pag-aresto sa maong pastor tungod sa kalapad sa 30 ektarya nga compound ug ilaha usab ginalikayan nga adunay masakitan atol sa pagmugna sa operasyon hinungdan nga naga-amping gayud sila ning kasamtangan.
