Mipadangat karon sa ilang dakong pahasubo ang Police Regional Office 11 ngadto sa mga pamilya sa mga nahimong biktima sa pagpamomba sa Isulan, Sultan Kudarat nga mibilin ug 18 ka mga samaron apil na ang pipila ka mga minor de edad ug usaka babayeng buntis niadtong April 3 adlaw nga miyerkules.
Gumikan sa nahisgutang panghitabo, gimanduan dayon ni PBGen Marcelo Morales ang kapulisan nga mopahimutang, ug mas pahugtan pa ang mga checkpoints sa mga syudad ug mga munisipalidad sa davao region nga kasikbit lamang sa Isulan, mopakatag ug igong ihap sa mga foor ug mobile patrols ilabi na sa mga highky populated areas, coordinate tali sa mga private security providers ug security managers aron mas mapalapda ang joint security protocols ug pahugtan ang intelligence monitoring ug ipaambit ang mga impormasyon tali sa ubang mga units.
Gidasig niini ang katawhan nga mopahibalo dayon sa kapulisan o mo contact sa PRO 11 Hotline number o social media pages alang sa bisan unsa nga katahapang mga tawo o kalihhukan nga mahitabo sa inyong tagsa-tagsa ka mga dapit.
Dugang pa ni Morales nga dili angayang magpalupig ang publiko ug dili mawad-an ug paglaom gumikan sa nahisgutang duguon nga pangtabo.
Giisip sa kapulisan nga usaka dakong hagit sa katakos sa gobyerno ang duguong panghitabo, apan gipaniguro sa PNP nga himuon niini ang tanan aron mahatagan ug hustisya ang mga biktima ug mabalhug sa prisuhan ang mga kriminal.
