Gikumpirma ni US President Donald Trump nga mobisita sa White House si Chinese President Xi Jinping sa September 24, 2026 isip kabahin sa padayong pakigpulong tali sa Estados Unidos ug China.
Tutuokan sa duha ka lider ang mga isyu nga may kalabotan sa trade, investment, security ug ubang bilateral concerns nga nakaapekto sa relasyon sa duha ka dagkong ekonomiya sa kalibutan.
Una nang nagkita sila Trump ug Xi sa Beijing kaniadtong Mayo 14-15, diin nagkasabot ang duha ka nasud nga palig-onon ang strategic stability ug padayonon ang communication sa mga sensitibong isyu.
Gilauman usab nga makig-uban kang Xi ang delegasyon sa mga Chinese business executives sa iyang pagbisita sa Washington.
Lakip sa posibleng hisgutan ang pagpalapad sa trade sa non-sensitive goods, rare earth exports ug ubang economic concerns tali sa duha ka nasud.
Matod ni Trump, welcome kaniya ang pagbisita ni Xi samtang padayon ang paningkamot sa Washington ug Beijing nga mapalig-on ang ilang relasyon bisan adunay nagpadayong tensyon sa trade ug security.
