Pondo para sa mga infra projects nga Php 46.22B ug Php 17.27B para sa classrom aprubado na sa DBM- Malacañang

Gi-anunsyo ni Palace Press Officer Claire Castro nga gi-aprubahan na sa Department of Budget and Management (DBM) ang pagpagawas sa Pho46.22B nga pondo para sa 1,743 infrastructure projects para sa nasud.

Sumala pa sa Deparment of Budget and Management (DBM), nga gitagana ang bahin sa pondo sa Department of Public Works and Highways (DPWH) alang sa proyekto nga magpalambo sa road connectivity ug mobility. Lakip na niini ang Davao City Bypass Construction Projectm nga adunay kapin Php 288M nga alokasyon para sa 2026.

Nag-gahin usab ang ahensya og Php17.27B alang sa pagpatuko sa 4,960 ka mga classroom ilawom sa Department of Education (DepEd) isip tubag sa kakulangan sa mga classroom sa nasud.