DAVAO CITY – Gikatakdang magpataas ug singko pesos sa plitehan sa pedicab sa syudad sa Tagum sigun sa proposal sa City of Tagum Franchising Regulatory Board kon CTFRB.
Sumala pa kang City Legal Officer Atty. Rex B. Porras, gipaduso na sa Sangguniang Panlungsod ang maong fare increase proposal.
Magpasabot nga kon maimplemetar kini, maanaa sa P17.00 gikan sa P12.00 ang mamahimong regular fare; ug P15.00 gikan sa P10.00 ang dicounted fare sa tanang plitehan sa pedicab sa syudad.
Matod pa, dugang P5.00 ang ihatag sa matag pasahero alang sa unang tulo ka kilometro ug P2.00 nga dugang sa matag kilometro.
Gawas kini sa flexible fare rates nga kasamtangang gisunod na taripa diin nagdepende sa presyo sa gasolina matag litro ang plitehan.
Wala pa hinuon kini naaprubahan sa City Council apan nagbahad na daan ang panggamhanan ipatuman kini sa umaabot.
via || Bombo LJ Florendo
