DAVAO CITY – Gipasalig karon sa lokal nga kagamhanan sa Bansalan Davao del Sur nga dili nila pasagdan ang mga lugar nga apektado karon sa granular lockdown gumikan sa padayon nga pagsaka sa covid-19 sa lalawigan.
Kahinumduman nga sa milabay nga adlaw, hingpit nga gipailalom ang Bansalan sa Modified Enhanced Community Quarantine (MECQ) gikan sa MGCQ kini aron nga mapahugtan pa nila ang mga lakang aton batukan ang kagaw.
Una ng nasayran kang Bansalan Mayor Quirina Sarte, nga misaka sab ang kaso sa community transmission sa covid-19 hinungdan nga gipailalom sa granular lockdown ang mga lugar sa Barangay Poblacion uno, Poblacion dos, Tubod, Rizal, New Clarin, Dolo Altavista, Managa ug Mabuhay.
Nanawagan na lamang karon si Mayor Sarte sa mga residente sa lugar nga motamud sa ipatuman nga mga polisiya ilalom sa MECQ gumikan kay alang lamang kini sa kaayohan sa tanan ug aron nga mapugngan ang pagsaka sa mga natakdan sa kagaw.
