DAVAO CITY – Nangandam karon ang Filipino community sa Indonesia alang sa pagbisita ni President Bongbong Marcos karung bulan.
Sa nahimong pakighinabi sa Bombo Radyo Davao kang Bombo International Correspondent nga si Vin Granada, nanghinaot ang mga kababayan nga nahimuyo didto nga ilang mapaabot ang ilang mga mulo pinaagi sa usa ka dayalogo uban ang mga OFWs nga nagatrabaho sa nahisgutang nasud.
Wala pa hinuon kasayruan mahitungod sa mga aktibidad sa pangulo atol sa iyang pagbisita apan gipaniguro ni Granada nga magkig-istorya si PBBM ngadto sa pangulo sa Indonesia nga si Joko Widodo mahitungod sa diplomatic ug economic relations tali sa duha ka nasud.
Gikatakdang mahitabo ang pinakaunang state visit ni PBBM sa Indonesia karung Setyembre 4 hangtud 6.
VIA || Bombo LJ Florendo
