DAVAO CITY – Nagpadayon ang pahimangno sa Philippine Drug Enforcement Agency (PDEA) 11 ngadto sa mga Local Government Officials (LGUs) official nga kinahanglan pakusgan pa sa mga nahisgutan ang ilang kampanya batok ginadili nga druga.
Tipik lamang kini dungan sa kasaulogan sa Drug Abuse Prevention and Control Week.
Kahinumduman nga usa ka seremonya ang gipahigayon sa kapitolyo sa Compostela Valley diin gisunog ang P24 milyones nga kantidad sa mga ginadili nga druga nga gilangkuban sa 2 kilos sa shabu ug 5 kls sa marijuana.
Salig ang PDEA 11 nga sa pagsulod sa 2021 anaa na sa 98 porsyento nga mapakgang nila ang ginadili nga droga sa rehiyon ilabi na nga ubay-ubay na sab nga mga barangay ang gideklara karon nga drug free.
Una ng gibutyag ni PDEA Regional Director Antonio Rivera nga daghanan sila og giimbitahan sa gipahigayon nga pagsunog sa mga iligal nga druga kini aron mapakita sa publiko nga wala sila nalambigit sa pag-recycle niini.
