PBBM nabalaka sa epekto sa ekonomiya sa nasud kabahin sa impeachment complaint batok kaniya

Gipahayag sa Malacañang nga nabalaka si Presidente Ferdinand “Bongbong” Marcos Jr. sa posibleng epekto sa mga gisang-at nga impeachment complaint batok kaniya, dili alang sa iyang kaugalingon apan alang sa kaayohan sa nasud ug ekonomiya.

Sumala ni Palace Press Officer USec. Claire Castro, ang pagsang-at sa impeachment complaint batok sa Presidente adunay halapad nga implikasyon ug posibleng makaapekto dili lamang sa liderato apan usab sa kahimtang sa ekonomiya sa nasud.

Gipasabot ni Castro nga nagpabilin nga kompiyansa ang Presidente nga wala siya’y gibuhat nga sayop, wala’y nalapas nga balaod, ug wala kini naghimo og mga impeachable offense, apan nabalaka kini sa posibleng epekto sa proseso sa pagsalig sa publiko ug sa dagan sa ekonomiya.