Nahimong emosyonal si Pangulong Ferdinand R. Marcos Jr. dungan sa pag-awhag niini sa publiko sa paghimo ug kolektibong aksyon lakip na ang pagpaningkamot sa pagwagtang sa mga kaso sa Online Sexual Abuse and Exploitation of Children (OSAEC).
Atol sa iyang pakigpulong sa “iisang Nasyon, iisang Aksyon: Tapusin ang Online Sexual Abuse or Exploitation of Children (OSAEC) Ngayon Summit 2024” sa Makati City, gihatagan ug pagtagad sa Pangulo ang panginahanglan sa gobyerno nga palig-onon ang mga paningkamot batok sa sexual exploitation sa mga bata diha sa online.
Samtang gibuhian niini ang mga pulong wala kapugngi ang pagtulo sa luha sa mga mata sa Pangulo tungod nabati niini ang nasinati-an sa mga biktima ug kini mibati’g kaulaw tungod sa nahitabo sa nasud sa susamang krimen.
Samot kini nga nahimong emosyonal human nadunggan ang mga istorya sa biktima sa OSAEC ug sa pag-antos nga ilhang naagian.
Bisan paman sa mga kaso sa OSAEC sa Pilipinas, giila ni PBBM ang mga agresibong aksyon sa mga summit organizers Department of Justice – Inter-Agency Council Against Trafficking ug ang Department of the Interior and Local Government, uban sa International Justice Mission.
Ubos sa Bagong Pilipinas (Bag-ong Pilipinas),nagkanayon si Marcos nga ang gobyerno magpadayon sa pagpanalipod sa mga bata ug misaad sa paggukod sa responsable sa mga kaso sa OSAEC.
