DAVAO CITY – Kasong kalapasan sa Republic Act 10591 o illegal possession of firearms and ammunition ingon man kalapasan sa article 212 o corruption of public official human nga misulay pagpanuhol sa usa ka police ang iduso batok sa usa ka kanhi body guard ni KAPA founder Joel Apolinario nga una ng nasikop sa Lasang Checkpoint sa Toril ning dakbayan sa Davao.
Una ng giila ni Bunawan Police Station commander, Police Major Noel Villahermosa, ang suspek nga si Edilberto Mabido Naupan, 44, minyo, negosyante ug residente sa Purok 10 Mabog, San Roque, Bislig, Surigao del Sur.
Una ng nakuha sa posisyon sa dinakpan ang .45 kalibre nga armas nga walay dokumento, mga bala ug P4-million cash nga gikanayong pay-out sa iyang gi-invest nga kwarta.
Narekober sab sa iyang posisyon ang laing 13 ka mga buhing bala sa .45 caliber pistol, lima ka karton diin upat niini gi-undam sa 50 pieces rimfire cartridges sa .22 long rifle samtang ang laing usa adunay unod nga 27 pieces rimfire cartridges sa .22 long rifle.
Una ng gibutyag ni Villahermosa nga atol sa interogasyon sa suspek, dala sumala pa niya ang armas alang sa proteksiyon sa iyang kaugalingon samtang paingon sa General Santos City.
