DAVAO CITY- Ginahan-ay na ang patong-patong nga mga kasong ipasaka batok kay Kriszelle Ann Cabo, kansang nagmaneho sa usa ka motor nga mipugos pagsulod sa bike lane sa event nga IRON MAN 70.3 Triathlon kagahapong adlawa.
Sumala pa nga ang maong suspetsado ang usa ka 28 anyos nga babaye, negosyante ug residente sa Block 5, Mc Cleod St., Brgy. Daliao, Toril ning dakbayan sa dabaw.
Kahinumdumang ang maong babaye ang giaresto kagahapong adlawa human kining magsinamok sa gikahitabong event diin pugsanon kining misulod sa nakaseradong kadalanan nga maoy gigamit sa mga atletamng misalmot sa maong aktbidad.
Sumala pa nga misulod ang maong babaye sa may GTH crossing padulong sa Mc Arthur Highway ug didto na kini napahunong sa may national highway corner crossing Aplaya de Obosa, Brgy. Darong, Sta. Cruz, Davao del Sur.
Atol sa pagkasikop niini nasayrang wala diay kini dala nga drivers lisence, wala nakasuot og helmet, aduna usab kini mga kalapasang mi counterflow , dili luwas nga pagmaneho ug wala kini nakapakita og OR/CR sa gigamit nga motor.
Ang maong gibuhat sa maong babaye ang naka-ani og nagkadaiyang komento gikan sa mga netizens.
Adunay mga miingon nga na ‘misison complete’ gayud kini tungod nabuhat niini ang buot mahitabo nga mapansin sa otoridad og prisuhon.
Base usab sa post niini niadtong milabay na adlaw, makitang gihagit pa niini ang City Government of Dvaao nga siya ang pagadakpon gumikan kay mimaneho kini nga nagbaton og expired nga drivers lisense ug walay suot nga helmet.
Ning kasamtangan ang maong suspetsado ang gikustudiya na sa Toril Police Station og ginahan-ay na ang mga kasong ipasaka batok kaniya.
