DAVAO CITY – Patay sa gilusad nga buy-bust operation ang usa ka lalaki human nga mipakita sumala pa kini og pagsukol sa otoridad.
Naila ang suspek nga si Raffy Cayas alyas Rap-rap, hamtong ang pangidaron ug residente sa Brgy. 37 D, Trading Boulevard ning dakbayan sa Davao.
Gikanayong dihang namatikdan sa nahisgutan nga police ang iyang ka-transaksiyon, misulay kini pagsukol dala ang iyang armas apan naunhan kini sa otoridad nga maoy hinungdan sa iyang hinanaling kamatayon.
Narekober sa iyang posisyon ang lima ka pakete sa ginadili nga droga ug dos mil ka pesos (P2,000) nga buy bust money.
Gikasa sa mga sakop sa San Pedro PNP ang nahisgutang buy bust operation kaabag ang mga personahe sa PDEA sa Dr. Gahol St., Brgy. 19-B ning dakbayan pasado alas sais kagabii.
