Gikumpirma sa Department of Health (DOH) ang padayon nga pagsaka sa kaso sa mga natakdan sa Human Immunodeficiency Virus (HIV) sa nasud.Matod ni DOH Secretary Ted Herbosa, ang Pilipinas karon ang nanguna sa tibuok kalibutan sa labing paspas nga pagsaka sa kaso sa HIV infections.
Tungod niini, miduol na si Secretary Herbosa kang Presidente Ferdinand “Bongbong” Marcos Jr. aron mangayo og deklarasyon sa national public health emergency kabahin sa kaso sa HIV. Gisaysay usab ni Herbosa nga ang labingbata nga HIV positive sa nasud karon mao ang usa ka 12-anyos nga bata gikan sa Palawan.
Dugang pa niini,giangkon sa opisyal nga dako kining gi-atubang nga problema karon gumikan sa linghod nga pangidaron ang natala kung itandi sa nakalabay nga mga katuigan nga anaa sa 25 anyos pataas lamang ang mga nagka-HIV.
Samtagn sa laing bahin, giklaro ni Herbosa nga ang HIV karon mahimong matambalan na pinaagi sa anti-retroviral drugs, nga makatabang sa mga pasyente nga mabuhi og normal ug taas nga kinabuhi.
