“Gipatad sa lasto ang kwarta nga pangbayad unta sa kuryente.” kini ang gibutyag ni Police Lieutenant Colonel Hamlet Lerios, ang labaw sa Island Garden City of Samal (IGACOS PNP) labot matud pa sa rason og nganong nangilad ang usa ka lalake nga giholdup matud pa kini niadtong nakalabayng adlaw.
Sumala pa nga gipatad matud pa kini sa maong lalake ang kwarta ngadto sa Small Town Lottery o STL, apan sa dautang higayon napildi kini, rason nga nagmugna na lamang kini og istorya nga daw giholdup siya, aron nga matabunan ang iyahang sala nga nabuhat.
Kahinumdumang, gipasakahan og kasong paglapas sa Presidential Decree 90 kon Declaring Unlawful Rumor-Mongering and Spreading False Information sa mga otoridad ang maong lalake human nga nangilad kini nga daw giholdap matud pa siya og gitiunan og pusil sa Lawig, Barangay San Agustin, Samal Island, Davao del Norte, niadtong nakalabayng adlaw.
Subling nag-awhag sab karun ang IGACOS PNP, nga likayan ang magmugna og dili tinuod nga mga istorya, gumikan maghatag lamang kini og dugang kabalaka og kahasol sa katawhan.
