DAVAO REGION-
Gipangunahan ni DepEd 11 Regional Director Allan Farnazo ug mga opisyal sa DepEd ang usa ka panagtigom sa mga nagkadaiyang ahensya sa kagamhanan isip preparasyon alang sa pagbalik sa pagtungha sa mga kabataan sunod semana.
Ang 2024 Regional Oplan Balik Eskwela Interagency Meeting gipahigayon kini sa Conference Room sa DepEd 11 kagainang buntag. Gilusad Kini nga tigom sa tinguha nga mahimong hapsay ang pagbalik sa pag-eskwela sa mga kabataan.
Gilangkuban kini sa LTO, OCD, PNP, DOE, BFP, GSP, PSSO, CITY TRANSPORT OFFICE, NTC, DPWH, uban pang mga ahensya sa LGU ug sa nasudnon nga panggamhanan ang nagakatigom aron nga masiguro ang kahapsay sa pagtungha sa mga kabataan sa tibuok rehiyon.
Una ng gibutyag sa ahensya nga adunay 1.4 million ang naka-enroll sa 2023-2024 apan naglaom karon ang ahensiya nga malabwan pa niini ang ihap ngadto sa 1.5 million.
Gipasalig sab sa ahenysa nga bisan ug kulang sa dokumento ang bata, apan mamahimo gihapon kini nga magpa-enroll ug dili angay nga balibaran.
