DAVAO CITY – Giila nga dakung tabang ni Dr. Ricardo Audan, hepe sa Southern Philippines Medical Center (SPMC) kung hingpit na nga mahatagan ug katumanan ang katukuran sa Genomic Research and Diagnostic Facility dinhi sa dakbayan.
Kahinumduman nga gi-aprubahan na sa konseho ning dakbayan ang resolusyon nga nagtugot kang Davao City Mayor Inday Sara Duterte-Carpio nga sudlon ang kasabutan alang sa pagtukod sa maong pasilidad.
Sa higayon nga matapos na ang maong proyekto, dakung tabang matud pa kini aron nga masayran gilayon kung unsa nga klase sa variant sa covid-19 ang hinungdan sa outbreak.
Ipahimutang sumala pa kini sa covid-lab sa Los Amigos Tugbok ning siyudad.
Makatabang sab matud pa ang Genomic research sa Tracking disease outbreak, diagnostics, food security ug climate change.
Paluyohan sumala pa ang pagtukod sa maong pasilidad sa Phix Genomics.
