Kampo ni FPRRD nihangyo sa ICC Appeals Chamber nga tugtan nga dili motambong sa pagdungog karong Abril 22

Gihangyo sa kampo ni kanhing Pang.Rodrigo Duterte sa International Criminal Court Appeals Chamber nga tugotan siya nga dili na motambong sa nakatakdang pagdungog karong Abril 22, 2026 may kalabotan sa iyang kaso sa drug war.

Sumala sa iyang mga abogado, ang iyang legal team na lamang ang moatubang sa hearing sa The Hague, diin hisgutan ang apela sa depensa kabahin sa hurisdiksyon sa ICC sa kaso.

Walay klarong rason nga gipadayag ang iyang kampo nganong dili siya makatambong.

Kahinumduman nga kapin na sa usa ka tuig nga gibilanggo ang kanhi Pangulo sa The Hague samtang giatubang ang kasong crimes against humanity nga may kalabotan sa iyang kampanya batok sa ilegal nga droga sa iyang pagkapresidente gikan 2016 hangtod 2022.