Sugdan sa City Transport and Traffic Management Office (CTTMO) ang pagparehistro sa mga tricyle, pedal-operated trisikad, ug uban pang motorized tricycle karong adlawa, Abril 4 sa mga lugar nga sagad daghanang mga motorized vehicles ang namasahero sama sa Toril, Bankerohan ug Calinan.
Hinuon gibutyag ni CTTMO head Dionisio Abude nga tanan nga mga areas ilabi na sa Poblacion District kinahanglan nga i-regulate gumikan sa pagsaka sa ihap sa mga sakyanan sa siyudad.
Magpatuman sumala pa sila ug one-stop shop sa 32 ka mga barangay sa siyudad.
Dugang sa CTMMO chief kinahanglan sab nila nga i-review ang dokumento sa operator kalakip na ang official receipt (OR) ug certificate of registration (CR) nga gi-isyu sa Land Transportation Office (LTO).
Kalakip sab sumala pa sa subayon atol sa registration ang resibo sa gipalit nga motor.
Ang ipahigayon nga pagpa-rehistro ipahigayon sa mga piniling Barangay hangtud sa Hunyo 19 ning tuig kasamtangan.
