Gipangulohan ni Davao City Mayor Sebastian Duterte ang seremonya sa 42 ka magtiayon atol sa “Kasalan ng Barangay” nga gipahigayon sa Barangay Lizada, Toril niadtong Mayo 8.
Gipahigayon ang maong mass wedding isip kabahin sa programa sa lokal nga gobyerno aron matabangan ang mga magtiayon nga legal nga mapakasal ug mahatagan og hustong dokumentasyon sa ilang panaghiusa.
Dugang pa niini, giabagan usab sa lokal nga gobyerno ang kalihokan pinaagi sa Serbisyo Caravan diin lain-laing serbisyo ang gihatag sa mga residente sa lugar.
Lakip sa nakabenepisyo mao ang mga programa ug tabang gikan sa city government ug mga kaubang national agencies nga gidala mismo sa komunidad aron mas mapaduol ang serbisyo sa katawhan.
Sa kasamtangan, padayon ang pagpatuman sa maong mga outreach programs sa Davao City isip bahin sa pagpalig-on sa serbisyo publiko ug suporta sa mga komunidad.
