DAVAO CITY – Gisugyot na ang pagdungag og mga bus stops gawas sa Ecoland Terminal.
Gikanayon kini sa tigdumala sa Davao City Overland Transport Terminal nga si Aiza Usop.
Matud pa ni Usop, gihisgutan na nila ang mga ipatumang security measures human sa mga dagkong mga panghitabo sa syudad sama sa oathtaking ni Vice President Sara Duterte-Carpio ug Davao City Mayor Sebastian Duterte.
Giandam na sab ang mga gikinahanglan sa gisugyot nga dugang pang mga bus stops sa tibuok dakbayan ug ang approval niini gikan kang Mayor Baste.
Kahinumdumang gipahunong usa ang pagpanaug ug pagpasakay sa mga pasahero sa mga bus stops sa tibuok dakbayan atol sa pagpamomba sa usa ka bus sa Koronadal City sa South Cotabato niadtong bulan sa Mayo karung tuiga.
Via || LJ Florendo
