Manginahanglan pa ug 14 katuig ang Department of Education (DepEd) aron mabutangan ang mga bakanteng guidance counselor position sa mga tulunghaan.
Kini gumikan kay limitado lamang ang ihap sa mga graduates sa master’s degree programs sa guidance and counselling matag tuig.
Gipahayag ni Karol Mark Yee ang executive director sa Second Congressional Commision on Education, mihimo na sila ug pamaagi aron matubag ang kakulang kung diin matag tuig mukabat lamang sa 300 ka mga graduates sa mga tulunghaan ang nagkinahanglan ug master’s degree program.
Sa kasamtangan, adunay 4,460 ang mga bakanteng guidance counselor positions nga gikinahanglang butangan sa DepEd.
Samtang gipaneguro usab ni DepEd Sec. Sonny Angara nga gihimo-an na nila ug pamaagi ang nahisgutang kakulang sa nahisgutang bakanteng posisyon.
