DAVAO CITY – Gumikan nga nagpadayon ang pagsaka sa kaso sa Covid-19 sa Island Garden City of Samal o IGACOS, ipatuman sugod sa Hunyo 01-14, 2021 temporaryo unang isuspende ang operasyon sa tanan nga mga resorts kalakip na inland resorts gumikan sa pagsaka sa kaso sa Covid-19.
Kahinumdoman nga una ng mipagula og kamandoan si Mayor Al David Uy kalabot sa Executive order no. 291, series of 2021 nga hugtanon una nga idili ang pagtapok-tapok sa mga private resorts ug establisyemento sa Isla.
Temporayo sab sumala pa karon nga gihunong ang pre-Booking ug Tourist QR codes ug maghulat na lamang sa mosunod nga kamandoan.
Sa tanan sumala pa nga mga bookings nga naaprubahan ingon man ang Tourist QR Codes, otomatiko una kini nga kanselado.
Sa mga apektado nga resort workers, andam ang lokal nga kagamhanan sa paghatag ug assistance pinaagi sa TUPAD Program sa Department of Labor and Employment (DOLE).
Hugtanon sumala pa nga ipatuman ang maong kamandoan ug mamahimong manubag ang mga makasupak niini.
Laraw niini nga ma-protektahan ang panglawas sa katawhan ug malikayan ang pagsaka sa kaso sa Covid-19.
Migula sumala pa sa surveillance reports sa COVID-19 nga aduna nay clustering sa COVID-19 cases gumikan sa pagpahigayon ug events, transmissions sa market, workplace ug susama nga mga areas.
Aron nga malikayan ang full-blown community transmission, mihimo na karon ang IGACOS ug mga preventive measures.
