DAVAO CITY – Gikanayon ni Major Maria Teresita Gaspan, tigpamaba sa Davao City Police Office (DCPO) nga hugtanon nga ipatuman sa kapulisan ang one entrance, one exit policy sa mga simbahan kini aron masiguro nga hapsay ang pagpahigayon ug aktibidad sa mga simbahan alang sa nagsingabot nga Semana Santa sa mosunod nga semana.
Sumala kang Davao City Police Office (DCPO) nga gihan-ay na nila karon ang mga aktibidad alang sa Lenten Season.
Sumala pa kang Gaspan, nga bastante ang ilang mga sakop nga ilang ipakatag sa mga area nga adunay ipahigayon nga mga aktibidad ang simbahan sama na lamang sa Via Crusis (Stations of the Cross) ug Visita Iglesia (Church Visits).
Gawas sa kapulisan, , kaabag sumala pa nila ang mga sakop sa Task Force Davao, police auxiliary, ug uban pang security sector arun lamang mapatuman ang kahusay ug kalinaw sa tibuok semana sa kuwarisma.
Subli sab nga nagpahimangno ang otoridad ngadto sa publiko nga magsugot ug facemask gumikan kay hugtanon pa gihapon ang pagpatuman niini sa dakbayan bisan nga mas lu-ag na karun ang gipatuman nga mga restrictions.
