DAVAO CITY – Miabot na sa Dakbayan sa Davao ang 383 ka repatriated ug returning Overseas Filipino Workers kon OFWs gikan sa Dubai, United Arab Emirates.
Gilayong gihatod ang mga OFW ngadto sa mga managlahing quarantine facility sa Dakbayan diin ipaubos sila sa 14-day quarantine ayha papaulion sa ilang mga tagsa-tagsang panimalay.
Gawas sa mga returning OFW gikan Dubai, aduna pay laing 150 ka mga OFW gikan Kuala Lumpur, Malaysia ang gikatakdang muabot sa Davao International Airport karong adlawa.
Sumala ni Generose Tecson, nagapangulo sa City Tourism Operations Office ug Airport Monitoring Team, hugot nilang ginapatuman ang pagpresenta sa mga OFW og negative swab tests results gawas pa sa mga laing health protocol nga ginapatuman atol sa ilang pag-abot sa Dakbayan.
Gikan sa airport gidala deritso sa quarantine facilities ang mga OFWs diin magpaubos sila sa 14-days quarantine una papaulion sa ilang mga balay.
