DAVAO CITY – Nagpahimangno karon ang National Telecommunications Commission 11 sa katawhan nga mag-igmat sa nanggawas nga mga text scams karung panahuna.
Matud pa ni NTC 11 Regional Director Nelson Cañete, dili dapat basta-basta magpadani sa mga text nga nagaingon nga nidaog daw ang user sa usa ka promo o dili kaha nadawat sa trabaho apan gipangayuan ug processing fee.
Mas labing makakuyaw karon ang binuhatan sa mga text scammers tungod aduna nay mga pangalan sa subscriber ang ilang mga nadawat nga text.
Kasamtangan nag gipaimbestigahan sa NTC Central Office ang mga nadawat nga text sa mga subscribers, ug ingon man, magpatawag sila sa mga telecommunicaton providers ug usa ka meeting aron maimbestigahan ang pagkatag sa mga text scams nga dunay pangalan ug impormasyon sa subscriber nga usa ka labing pagsupak sa Data Privacy Act.
VIA || Bombo LJ Florendo
