Gilimitahan sa National Kidney and Transplant Institute sa Quezon City ang walk-in admissions sa emergency room human mapuno ang mga higdaanan tungod sa pagsaka sa leptospirosis cases ug taas nga volume sa mga pasyente.
Matod sa NKTI, unahon sa ER ang mga pasyenteng nanginahanglan og urgent ug critical medical intervention, samtang ang nonemergency admissions giawhag nga makig-coordinate sa ilang attending physicians.
Dugang pa, gidasig ang ubang pasyente nga mangita og healthcare facilities nga adunay available nga higdaanan aron malikayan ang taas nga paghulat.
Samtang, giandam sa San Lazaro Hospital ang 120-bed leptospirosis ward ug gi-activate ang “leptospirosis express lane” alang sa mas paspas nga pagtambal.
Narekord sa Department of Health ang 3,440 ka leptospirosis cases gikan Enero 1 hangtod Agosto 8 ning tuiga, bisan adunay 27-porsyentong bi-weekly increase sa bag-ong kaso.
Lakip usab sa giandam sa DOH ang 3.1 milyon ka doxycycline capsules alang sa post-exposure prophylaxis.
Sa pagkakaron, nagpabiling alerto ang mga ospital tungod sa posibleng pagsaka pa sa kaso human sa padayong pagbaha.
