DAVAO CITY – Napakyas sa pagkakaplag ang National Bureau of Investigation 11 ug ubang otoridad sa puganteng pastor nga si Kingdom of Jesus Christ leader Pastor Apollo Quiboloy human sa gihimong manhunt operation sa mga gipanag-iyahang niining luna sa may Tamayong, Calinan ning dakbayan kagahapon, Mayo 3.
Giadto sa mga sakop sa NBI-SEMRO ang mga propredad ni Quiboloy nga Prayer Mountain ug Glory Mountain gumikan sa mga taho nga dunay naga-sulod gawas nga mga sakyanan diha mismo sa gituohang mga ginataguan ni Quboloy.
Apan human sa pipila ka pagsulay, walay Quiboloy nga nakit-an ang mga otoridad. Inay ang abogado ni Quboloy nga si Atty Kathleen Kaye Laurente ang nagdawat sa warrant ngadto sa gipangitang pastor.
Nihapit sab ang mga otoridad sa Barangay Hall sa Tamayong alang kang Barangay Chairman Cresente Canada, apan wala sab nila kini maabtan gumikan sa kasamangang 15 day leave sa maong opiysal.
Sa ekslusibong pakighinabi sa Bombo Radyo Davao kang NBI 11 Regional Director Atty. Arcelito Albao, nagpadayon gihapon ang pagtrabaho sa mga sakop sa NBI 11, CIDG ug uban pang hingtundan aron makaplagan na ang pastor nga nag-atubang og tulo ka mga kaso nga sexual and child abuse nga napasaka sa Davao RTC ug qualified human trafficking case niini sa Pasay RTC.
Hinuon, gipasalig sa opisyal nga walay hunong ang pagbantay sa posibleng aktibidad ni Quiboloy nunot kana sa pagpakansela sa pasaporte sa Bureau of Immigration.
Wala matud pay gihatag nga ultimatum ang Senado ug Kongreso alang sa pagkakaplag apan dili sab sila magpakampante samtang anaa gihapon sa nasud ang puganteng pastor.
Subling nanawagan si Atty. Albao ngadto sa legal team ni Quiboloy aron makig-alayon sa mga otoridad aron hingpit nang masikop ang giilang Apponted Son of God.
via || Bombo LJF
