DAVAO CITY – Gikumpirma sa Mindanao Development Authority (MinDA) ang ubos apan dili kabalak-ang suplay sa asukar diri sa Mindanao.
Sa nahimong pakighinabi sa Bombo Radyo Davao kang Mindanao Development Authority Chief of Public Relations Division Adrian Tamayo, paigo gihapon ang anaa sa 1.9 million tons nga kasamtangang suplay sa asukar na naggagikan sa mga tubohan ug processing plants sa Davao, Bukidnon, Cotabato ug Bangsamoro Region.
Bisan pa man, nagadepende gihapon ang kalidad sa asukal sa nagpahinabong climate change tungod sab sa klima ug kalidad sa yuta nga ginatamnan sa ilang mga tubo.
Gipaklaro sab ni Tamayo nga igo gihapon ang suplay sa asukal diri sa Mindanao.
Sa natad sa paggama ug asin taliwala sa gikabalak-ang salt shortage diri sa nasud, ginatutukan sab pag-ayo sa organisasyon ang industriya sa pagpangasin ilabi na sa Region 9 isip nag-unang salt producing region diri sa Mindanao.
Sa katapusan, gipahingusgan sa MinDA ang ilang panawagan alang sa supisyenteng suplay sa pagkaon diri Mindanao.
Busa, gikasugyot nila ang mga programa sama sa techinical and industrial assistance alang sa mga mag-uuma sa matag indusytiya, ug digitalization pinaagi sa One Mindanao, One Data initiative aron sa hinaling monitoring sa suplay sa mga nag-unang pagkaon diri sa isla.
via || Bombo LJ Florendo
