DAVAO CITY – Gibana-bana nga moabot sa upat ka milyon ka pesos ang nahimong damyos sa pagkasunog sa public market building sa lungsod sa compostela Davao de Oro nga nahimutang sa Purok-1 Public market Barangay Poblacion Compostela, Compostela Valley kagabii.
Sa nahisgutang sunog lima ang nasamdan samtang unsi ka mga tindahan usab ang na-angin.
Giila ang mga nasamdan ug kasamtangang gitambalan sa Compostela Valley Provincial Hospital nga sila Jenan Anter, 28 anyos, Albert Molaan, 21; Paul Quijano, 40 anyos; Ailyn Quijano, 25 anyos ug Lencio Gamutan, 61 anyos.
Gibutyag ni Municipal Fire Marshal/Ground Commander, SFO4 Joseph P Crucio sa Compostela Municipal Fire Station nga miabot pa sa ika-upat nga alarma ang nahisgutang sunog kung diin mitabang pa sa pagresponde ang nagkadaiyang mga Fire Stations sa nahisgutang probensiya.
nagsugod sumala pa ang sunog sa 3J LPG store and refilling station nga gipanag-iyahan ni Hermanita Anter alas 8:49 kagabii ug gideklaranang fireout alas 9:92 nausab sa gabii.
Milagro sumala pang nakalingkawas sa sunog ang usa sa mga empleyado sa #j LPG refilling station human ma-trap sa sunog apan naka-angkon sumala pa kini ug grabe nga mga samad ug paso sa kalawasan.
Sa karon padayon pa usab ang imbestisyaon kung unsa ang hinungdan sa sunog.
