DAVAO CITY – Moabot sa kinatibuk-ang 2 mil ka mga estudyante nga benepisyaryo ang gikatakdang makadawat ug backpacks ug mga school supplies gikan sa Consulate General of the People’s Republic of China.
Gikanayon ni LGU Special Projects Program Manager ug Presidential Commission on the Urban Poor Commissioner Norman Baloro nga kini ang isip kabahin sa suporta alang sa face-to-face classes sa LGU special projects sa pakig-alayon na usab sa City Social Welfare and Development Office (CSWDO) ug sa Office of the Vice Mayor Baste Duterte.
Ang first batch sa 150 students ang nakadawat na sa ilang mga backpacks ug school supplies niadtong May 5, 2022, atol sa usaka hand-over ceremony sa pagpanguna ni Acting Mayor Sebastian Duterte, Mr. Li Lin, ang Consulate General sa People’s Republic of China sa Davao, CSWDO head Atty. Marlisa A Gallo, ug ni Commissioner Baloro.
Gikanayon ni Baloro nga ang distribution sa nahabiling 1,850 ka mga backpacks ang gikatakdang ipahigayon inig human na sa election.
