DAVAO CITY – Nagpanukad na ang Davao City Transport and Traffic Management Office sa pag-awhag sa mga bicycle owners nga iparehistro ang ilang mga bisikleta aron dili masumonan ug penalty.
Kana human gipakanaog sa City Government of Davao niadtong Miyerkules ang Ordinance No 0782-21, Series of 2012 kon Ordinance Amending Ordinance No. 0334-12, series of 2012, o mas nailang “Comprehensive Transport and Traffic Code of Davao City” subay sa Amended Bicycle and Light Mobility Vehicle Ordinance of Davao City.”
Gikanayon sa hepe sa CTTMO nga si Dionisio Abude Jr., magpasaka na ug silot alang sa mga siklista nga nagmalapason sa mga balaod trapiko sa dakbayan, ilabi nang dili tugutan niini ang overloading ug back riding.
Lakip sab nga gibawal sa mga siklista ang mag-latas sa pedestrial lane ug sidewalks, ug ang pag-counterflow. Adunay katungdanan ang mga pulis nga dakpon ang mga salawayong siklista.
Dili muubos sa P100 ang penalty sa mga wala nakaparehistro, walay registration sticker, walay suot nga helmet ug ubang protectuve gears ug ang pagsaway sa mga balaod-trapiko.
Dugang pa ni Abude nga gisugdan na nila ang orientation niadtong milabay nga bulan sa matag barangay sa syudad. Sumala pa niini nga ang mga barangay nga naa sa downtown areas sa syudad mao ang una nga hatagan ug tukmang mga dokumento alang sa registration lakip na ang registration form, inspection report, ug registration stickers, ug niadtong mga makahimo gilayon sa pagsugod sa issuance.
Alang niadtong mga buot magparehistro kinahanglan lamang nga i-accomplish ang registration form ug ang inspection report, ug i-submit ang barangay clearance ug ang official receipt sa bisikleta o sakyanan.
Hinuon, mamahimonog dawaton ang affidavit of ownership sa higayon nga dili maka-presenta ug official receipt. Ilalom sa inspection report, ang mga bisikleta ug LMV ang angay nga magbaton ug helmet, reflector, warning lights, o blinkers, bell horn, mogana nga brakes, hand-free cargo, audio devices, ug rider capacity.
Hatagan ug Order of Payment ang tag-iya sa higayong makompleto na kini , ug adunay pagabayrang 25 pesos nga registration fee ngadto sa City Treasurer’s Office una ihatag ang registration stickers sa barangay.
via || Bombo Angie Chagas & Bombo LJ Florendo
