DAVAO CITY – Mihatud na sab ug hinabang ang mga sakop sa kapulisan ngadto sa mga nabiktima sa kusog nga linog sa Davao del Sur ug Makilala sa Cotabato.
Kahinumduman nga gipangunahan mismo ni PNP OIC- Lt. Gen. Archie Gamboa ang pagtunol ug hinabang ngadto sa mga nahimong biktima sa kalamidad.
Usa sa mga gibisita niini mao ang San Miguel Elementary School diin nahimutang ang 146 ka mga bakwit diin kadaghanan sa mga nahisgutan ang nawad-an ug pinuy-anan.
Mapasalamaton si Gamboa ngadto kang Magsaysay Mayor Arthur Davin gumikan kay nahimong han-ay sumala pa ang pagtunol nila ug hinabang sa mga apektadong residente.
Nasayran sa opisyal nga anaa sa 2 milyones ka pesos nga kantidad sa relief goods ang ilang nahatag sa lalawigan sa Cotabato samtang usa ka milyon usab sa Magsaysay Davao del Sur.
