DAVAO CITY – Nakauli na sa ilahang pinuy-anan ang halos dosentos ka mga residente sa Barangay Matiao, Mati city, Davao Orriental homan kini naapektuhan sa baha nga gimugna sa tropical storm Crising kagahapong adlawa.
Sa impormasyon nga gipagawas sa Mati city disaster risk reduction management office, mukabat sa 157 ka mga indibiduwal sa Barangay Matiao ang gibutang sa evacuation area gumikan sa pagsaka sa tubig-baha sa mga creek nga mideretso sa kabalayan.
Apan nanguli ang mga nahisgutan sa dihang mi-ubos na ang tubig baha apan adunay usa ka pinuy-anan ang naguba gumikan sa nahisgutang pagbaha.
Samtang sa Brgy. Don Enrique Lopez sa nahisgutang syudad, adunay dose ka mga pamilya ang kasamtangang gipabalhin sa Pasilaan Elementary school.
Gikabutyag usab sa CDRRMO nga adunay nahitabong landslide sa pipila ka purok sa Barangay Don Salvador Lopez apan walay nadesgrasya sa nahisgutang panghitabo.
