Subling gipahinumduman sa Land Transportation Office (LTO) XI ang mga motorista nga nakarehistro niadtong Hulyo 2016 hangtud Hulyo 2018 nga kuhaon na ang ilang plates sa regional office sa hinanali nga panahon aron nga dili mapahamtangan ug multa ingon man penalties.
Sumala pa kang Jun Antonio, LTO XI Law Enforcement Division chief, adunay 6,435 ka pares sa unclaimed plates sa milabay nga Abril 3, 2019 ug sulod karong semanaha, laoman nga moabot na sab ang laing 11,000 plates gikan sa central office.
Gikanayon sab nahisgutan nga gisugdan na matud pa sa LTO XI ang operasyon kalabot sa plate violations sukan Enero ning tuig kasamtangan human ang massive information dissemination sa milabay nga Nobyembre 2018.
Dungan sa pag-claim sa bag-ong plaka, ang mga nanag-iya kinahanglan nga mopresenta sa ilang application receipts.
Mamahimo sab sila nga mohangyo ug kopya gikan sa records section kung nawala ang ilang resibo.
Samtang kadtong sumala pang nanag-iya ug plaka nga nag-apply ayha ang July 2016 ang nagpabilin nga naka-ong-ong gumikan sa legal isyu nga kinahanglan pa nga resolbahon.
