Mipagawas sa gibati ang actress-host nga si Kim Chiu human makadawat og pagsaway ug mga hulga kabahin sa iyang pahayag sa social media may kalabotan sa mga nahitabo sa nasud.
Sa iyang post, giingon ni Kim nga nasubo siya tungod kay mura kuno siya’g gustong pahilomon tungod lamang sa pagpahayag sa iyang opinyon.“Makaguol. That’s what happens when concern and opinion don’t align with them—gusto dayon hilomon,” matod ni Kim.
Gibutyag usab sa aktres nga isip usa ka Bisaya ug Pilipino, adunay siya’y katungod sa pagpahayag sa iyang hunahuna ug pagbati.
Matod pa niya, sakit alang sa ordinaryong katawhan nga nagabayad og buhis nga makita ang mga kontrobersyang giatubang sa nasud.
Sa katapusan sa iyang mensahe, migamit si Kim og pinulongang Bisaya aron awhagon ang publiko nga likayan ang panag-away tungod kay nagkalahi-lahi lamang kuno ang panan-aw sa matag usa.
Una nang nag-viral ang pahayag ni Kim human siya mikomento kabahin sa insidente sa Senado diin adunay kagubot ug giingong adunay pagpabuto og pusil samtang gipangita si Senador Ronald dela Rosa.
Sa iyang naunang post, gikwestiyon ni Kim ang sitwasyon ug nanawagan sa publiko nga mahimong maampingon sa pagpili og mga lider
