DAVAO CITY – Gipasalig sa pamunoan sa Eastern Mindanao Command nga ilang tabangan nga makasugod pagbalik sa ilang bag-ong kinabuhi ang mga kanhi miyembro sa New People’s Army (NPA) nga susamang mitahan sa combined forces sa 58th Infantry Battalion ug 2nd Scout Ranger Battalion (2SRB) sa Sitio Langusahan, Brgy. Minalwang, Claveria, Misamis Oriental sa milabay nga adlaw.
Dala sa mga nahisgutan ang walo ka mga High Powered Firearms sama na lamang sa duruha ka mga AK47 rifles, usa ka Garand rifle, usa ka M14 rifle, usa ka Carbine rifle, duha ka M16 rifles ug usa ka M653 rifle.
Una ng gibutyag ni Lt. Col Ricky Canatoy, Commanding Officer of 58IB, gikan sa 3rd Platoon, HQF Neo, North Central Mindanao Regional Committee (NCMRC) nga ang mga mitahan nga mga batan-on ang ilalom sa pagdumala ni alias Barman.
Padayon sab karon ang panawagan sa mga militar ngadto sa uban pa nga mga miyembro sa NPA nga mas maayong mobalik na lamang sa sabakan sa kagamhanan ilabi na nga adunay mga programa ang gobyerno nga gi-andam alang sa mga nahisgutan.
