Anaa na sa kapin nuwebe gatos ang mga nataptan ug COVID-19 sa dakbayan sa Davao sulod sa katorse ka adlaw.
Sumala pa sa report gikan sa Davao City Covid-19 Task Force, nasa 974 ka active cases nga naglagkub sa dugang pang 510 active cases karung simana gikan sa 464 active cases nga natala gikan Hulyo 31 hangtud Agosto 6.
Sa susamang panahon sab, natala ang 15% positivity rate alang sa dakbayan.
Gikanayon sa tigpama-ba nga si Dr. Michelle Schlosser, anaa gihapon sa low-risk classification ang dakbayan bisan pa man sa pagkab-ot sa hapit usa ka libo na mga natalang kaso karung simanaha.
Samtang mag-implementar ang lokal nga panggamhanan ug weekend rollout alang sa COVID-19 vaccination matag Sabado sa tibuok bulan sa Agosto sa may People’s Park, sugod karung adlawa.
Gikanayon ni Dr. Zamzam Zailan sa Davao City Vaccination cluster nga pagadumalaan nila ang primary doses alang sa lima ka tuig nga pangidaronpataas.
Makuha sab ang panguna ug unang booster doses alang sa mga menor de edad gikan sa dose hangtud disisyete anyos nga walay comorbidities.
Via || Bombo LJ Florendo
