DAVAO CITY – Dagsa ang mga ginikanan nga nagdala sa ilang anak sa mga health center ning siyudad dungan sa pagsugod sa ikaduhang round sa Sabayang Patak Kontra Polio nga nagsugod kagahapong adlawa.
Mapasalamaton ang ahensiya sa City Health Office (CHO) pinaagi sa ilang head nga si Dr. Josephine Villafuerte gumikan kay mismong ang mga ginikanan na ang miadto sa mga health centers apan magpahigayon pa gihapon sila og house to house ingon man pagbakuna sa mga malls ug terminals.
Plano karon sa CHO nga malabwan pa ang ihap sa mga nabakunahan atol sa unang round gumikan kay buot nila nga balikan kadtong una ng mibalibad nga pabakunahan ang ilang mga anak.
Sa milabay nga Oktubre atol sa unang hugna sa sabayang patak, ang dakbayan ang nakatala ug pinakadakong immunization coverage nga anaa sa 99.48 percent apan buot nila nga maangkon ang 110 percent atol sa second round nga matapos sa Disyembre 7.
