Mipagawas ang National Bureau of Investigation (NBI) og administrative order nga nagmando sa imbestigasyon dili lamang kang Davao City Mayor Sebastian “Baste” Duterte kundili sa tanang indibidwal nga nagpagawas og hulga batok sa First Family ug sa gobyerno.
Sumala ni NBI Director Melvin Matibag, dili kini nakatutok sa usa ka tawo lamang kundili sa bisan kinsa nga magpahayag og hulga sa gobyerno.
Naatlan lamang nga dungan kini sa pahayag ni Mayor Duterte, maong nagtuo ang uban nga siya lamang ang giimbestigahan.
Gibutyag usab sa NBI nga sakop usab sa imbestigasyon ang social media accounts sa pipila ka personalidad nga giingong nagpakatag og hulga batok sa Pangulo ug ubang opisyal.
Una nang gikompirma sa NBI nga ilang gisusi ang pahayag ni Mayor Duterte batok kang Pangulong Ferdinand “Bongbong” Marcos Jr.,uban sa panawagan sa panawagan sa Malacañang nga imbestigahan ang mga hulga ug giingong plano batok sa Pangulo nga nahisgutan usab sa pagdungog sa Kamara.
Dinhi gibutyag sa testigong si Ramil Madriaga, nga giingong kanhi bagman ni Vice President Sara Duterte, nga adunay mga panaghisgot sa pipila ka kanhing opisyal ug retired generals bahin sa plano sa pagpahawa ug bisan pagpatay sa Pangulo.
