DAVAO CITY – Nanawagan si Davao City Mayor Inday Sara Duterte ngadto sa mga dabawenyo nga respetohon ang mga Chinese nationals nga anaa dinhi sa dakbayan ug dili sumala pa sawayon ang mga nahisgutan bisan nga naggikan sa ilang nasud ang 2019 Corona Virus.
Sumala sa Mayor, matawag nga health isyu ang N-coV butang nga mas maayo matud pa nga proteksiyonan na lamang ang kaugalingon kaysa sa basulon ang mga Chinese nationals.
Angayan sumala pa nga masabtan sa publiko ang mga lakang nga himuon aron nga dili matakdan sa maong disease sama sa pagsuot ug facemask, paghugas sa kamut ug daghanan pa.
Gitambagan sab sa opisyal ang katawhan nga gilayon sab nga isumbong sa buhatan sa Department of Trade and Industry (DTI) kung adunay masayran nga mga tindahan nga sobra kataas ang ilang gitinda nga mga facemask.
Kahinumduman nga daghanang mga tindahan ang nagpahimulos karon sa sitwasyon hinungdan nga mikalit ang pagsaka sa binsa unsa man nga klase sa facemask.
