DAVAO CITY – Mapasalamaton si Davao City Mayor Inday Sara Duterte-Carpio sa mga padayong nagasuporta kaniya ug sa mga nagasalig sa iya isip lider.
Luyo kini sa pahayag ni Senadora Imee Marcos kabahin sa posibleng pagpares nila kanhi Senador Ferdinand “Bongbong” Marcos, Jr. ug ni Duterte-Carpio sa Presidential Elections sunod tuig.
Gitawag ni Senadora Marcos isip “marriage made in heaven” kini kung matinuod man sanglit gunit sa mga Marcos ang Solid North, ug gunit sa mga Duterte ang Solid South.
Wala kuno sumala pa makapildi sa alyansa sa Habagatan ug Amihanang Pilipinas.
Apan, wala gihapon direktang deklarasyon si Duterte-Carpio kung mupapili kini isip Presidente, karong mideklara usab ang amahan niini nga si Presidente Rodrigo Duterte nga magpapili kini isip Bise Presidente sa 2022 Elections.
