DAVAO CITY – Gapangagot ang ngipon ni Davao City Mayor Inday Sara Duterte-Carpio sa kasuko human mahiabot sa iyang kasayuran ang impormasyon kalabot sa usa ka Rhea Manila , 16 anyos, Senior High School Student sa Agro-Industrial Foundation College, ning dakbyan sa Davao nga gilugos ug gipatay.
Kahinumduman nga hustisya ang gisinggit sa pamilyang Manila sa gidangatan sa biktima.
Nanawagan sab inahan sa biktima nga si Lea Manila kang Pangulong Rodrigo Duterte ug Davao City Mayor Sara Duterte Carpio nga tabangan sila nga masilotan gilayon ang suspek.
Kinilala ang biktima na si Rhea Manila, Grade 11, nanimoyo sa Purok 10, Libby, Bago, ning dakbayan sa Davao.
Pinasikad sa saysay ni Lea, mibati sila ug kabalaka kagabii dihang nagkalawum na ang kagabhi-on apan wala pa gihapon makauli ang biktima nga human nga mi-adto sa tindahan bandang alas 6:00 sa kagabhi-on aron nga magpa-load.
Alas 9:30 na sa gabii dihang nakaplagan ang patay nga lawas sa biktima nga hubo na ug gisulod sa usa ka daku nga plastic bag.
