DAVAO CITY – Gibutyag sa lokal nga kagamhanan sa dakbayan sa Mati nga aduna na sila’y siyam ka mga bag-ong Person Under Monitoring (PUM) kagahapong adlawa samtang 19 ang na-cleared.
Sa kasamtangan, anaa na matud pa karon sa 154 ang ihap sa mga PUM sa ilang lugar.
Sa mga PUIs, anaa sa 8 ang suspect cases samtang walay natalang probable.
Samtang cleared sab sila sa virus sulod na sa duruha ka adlaw. Nanawagan sab ang lokal nga kagamhanan sa Davao Oriental ngadto sa publiko nga ihunong na ang pagpakatag ug mag fake news ug maminaw lamang sa mga lihitimo ug official social media pages ug websites.
Nagpabilin sumala pa karon ang Mati isip Covid-19 free sulod na sa kapin usa ka bulan ug gibuhat karon sa Mati IMT ang tanan aron nga masiguro ang kaluwasan ug proteksiyon sa mga residente sa Mati.
Hugtanon sab nila karon nga gipatuman ang Stay at Home, paghugas ug kamut, pag-disinfect sa balay ug ipabilin ang social distancing.
